Təhsildə İnkişaf və İnnovasiyalar üzrə Qrant Müsabiqəsi

"Gənc Müəllimlər üçün Layihələrin Yazılması və İdarəçiliyi Məktəbi" layihəsi çərçivəsində müəllimlər üçün layihələrin yazılması və idarə edilməsi ilə bağlı təlimlər keçirilir!

Layihə çərçivəsində 191 nömrəli tam orta məktəbdən üç müəllim seçilib. Həmin müəllimlər Bursa şəhərində Bursa Azərbaycan İnovasiya və Dayanışma Dərnəyinin təşkilatçılığı ilə layihələrin yazılması və idarə edilməsi təlimlərinə cəlb ediliblər. Həmçinin, "Bursa Otomativ Lisesi" və "Bursa Koç Ortaokulları" məktəblərinə ziyarət edərək təcrübə mübadiləsində iştirak edərək həmin təhsil müəssisələrin həyata keçirdiyi layihələr, əməkdaşlıq etdikləri yerli və beynəlxalq donorlar ilə tanış olublar.

Təlim proqramından sonra müəllimlər, qazandıqları bilikləri yerli müəllimlərlə paylaşmaq məqsədilə təlimlər təşkil edəcəklər. Belə ki, 3 nəfər müəllim, məktəbdəki həmkarları üçün hər həftə 1 dəfə olmaqla 4 təlim keçəcək, qonşu məktəblərin müəllimləri üçün isə onlayn təlimlər təşkil edəcəklər.

Xatırladırıq ki, "Gənc Müəllimlər üçün Layihələrin Yazılması və İdarəçiliyi Məktəbi" adlı layihə, 191 nömrəli tam orta məktəbdə Bəsti Əsədova tərəfindən həyata keçirilir. Layihənin məqsədi gənc müəllimləri layihə yazma və idarəetmə sahəsində bilik və bacarıqlarla təmin etmək, onların yerli və beynəlxalq qrant layihələrinə müraciətlərini təşviq etməkdir. Bu təşəbbüs müəllimlərin peşəkar inkişafına dəstək olmaqla, təhsil sahəsində innovativ təşəbbüslərin sayının artmasına və məktəblərdə keyfiyyətli təhsil mühitinin formalaşmasına töhfə verəcəkdir.

Qrant layihə iştirakçıları Türkiyədə səfərdə olublar

Fərdi Layihələr

Ümumtəhsil müəssisələri

Fərdi Layihələr

Ümumtəhsil müəssisələri